مهارات للإستشارات والتدريب نتعلم .. نتغير .. نتقدم
السلام عليكم
جربت شريط استاهل الامتياز وحبيت اضيف قصة نجاحي
انا طالبه خريجه هالفصل ان شاء الله
وحصلت عالامتياز الفصل اللي طاف والحمدلله
اول ما درست بالجامعه بالفصل الاول كان مستواي لا باس فيه يعني جيد جدا
وبعدها تكاسلت وكرهت شي اسمه دراسه
لين وصلت لسنه رابعه الفصل الاول
خالتي ربي يخليها ويسعدها اشترت مجموعه من الكتب وكان كتاب مهارات دراسيه من ضمنها
قريت الكتاب كامل… وكان بداخلي خوف وشك اني قد النجاح والامتياز
بعد ما خلصت قراءةالكتاب اشتريت شريط استاهل امتياز
وسمعته بس ما حسيت نفسي استمريت فيه لمدة شهر
يعني كان استماعي له متقطع
وأكثر شي كنت استمع لشريط خليك مرتاح
اول ما بديت بالفصل الاول من هالسنه الاخيره لي بالجامعه
حطيت في بالي اني احصل على الامتياز وكان يصاحبني خوف
قلت لصديقاتي أنا هالمره راح احصل على معدل امتياز
قالوا لي هههههه مستحيل.. قلتلهم اوكي
شديت حيلي وذاكرت وكان الامتياز امامي وتفكيري كله الوصول اليه
لما طلعت النتايج بشروني صديقاتي وقالوا لي ما شاء الله عليج
جبتي امتياز… صممتي عليه وحصلتيه
بس بصراحه والله ما كنت مصدقه
قلت يمكن فيه غلط
انا ما راح اصدق لين اشوف اسمي بلوحة الشرف
بس للأسف اسمي ما حطوه لانهم حطوا بس اسماء العشر الأوائل بلوحة الشرف
بس كرموني مع المتميزات بالحفله
دعواتكم لي بالنجاح
وتمنياتي للكل بالنجاح والتوفيق
وكل الشكر والتقدير للدكتور نجيب الرفاعي
يجب عليك تسجيل الدخول لكتابة تعليق.